Монгол орны гадаргын болон газрын доорх усны нөөцийн 70 орчим хувь нь Алтай, Хангай, Хэнтийн нуруу, Хөвсгөлийн уулс, Их Хянганы нуруу зэрэг уул нуруудын өндөрлөг хэсэгт нийт нутаг дэвсгэрийн 30 орчим хувийг эзлэх талбайд бүрэлдэн бий болдог. Гадаргын усны нөөцийн ихэнх хэсэг нь хөрш орнуудад цутгадаг.

Аймгийн Засаг дарга Б.Ариун-Эрдэнэ, аймгийн Хөгжлийн бодлого төлөвлөлт, хөрөнгө оруулалтын хэлтэс, Татварын хэлтэс, Санхүү, төрийн сангийн хэлтэс болон Хануй голын сав газрын захиргаа, Сэлэнгэ голын сав газрын захиргаа, Хөвсгөл нуур,Эгийн голын сав газрын захиргаа, Туул голын сав газрын захиргаа, Орхон-Чулуутын сав газрын захиргаадтай уулзаж 2023 хамтран ажиллах ажлын талаар мөн ус ашиглалтын эрхзүйн орчиныг сайжруулах, хяналт тавих зэрэг асуудлаар санал солилцлоо.

Булган аймаг төсвөө өөрөө бүрдүүлдэг аймаг болж буйтай холбогдуулан усны төлбөрөөс орлогоо бүрдүүлэх болсон тул ААН-байгууллагуудтай хуулийн дагуу усны ашиглалт дээр хяналт тавих зайлшгүй шаардлага үүсэж байна.