Өвлийн аялал жуулчлалыг хөгжүүлэх, жуулчдын тоог нэмэгдүүлэх, орон нутгийн иргэдэд түшиглэсэн аяллыг хөгжүүлэх, "Нэг жуулчинд - Нэг хонь" төсөл хөтөлбөрийг танилцуулахаар БОАЖ-ын сайд Б.Бат-Эрдэнэ, аймгийн Засаг дарга Б.Ариун-Эрдэнэ, салбарын төлөөлөл Булган аймгийн Булган суманд өнөөдөр Төрийн албан хаагч, иргэд, малчидтай уулзалт хийлээ.

Уулзалтаар “НЭГ ЖУУЛЧИНД -1НЭГ ХОНЬ” хөтөлбөрийг танилцуулж, "Монгол Улсын Засгийн газар 2023-2025 оныг Welcome to Mongolia болгон зарласантай холбогдуулж өвлийн аялал жуулчлалыг хөгжүүлэх, жуулчдын тоог нэмэгдүүлэх, дахин ирэх сэдлийг төрүүлэх, орон нутгийн иргэдэд түшиглэсэн төслүүдийг хэрэгжүүлэхээр БОАЖЯ, Булган аймаг ажиллаж эхэлсэн" тухай БОАЖ-ын сайд Б.Бат-Эрдэнэ хэлсэн үгэндээ онцолсон юм.

Харин аймгийн Засаг дарга Б.Ариун-Эрдэнэ Солонгос Улсын иргэд Монгол Улс руу визгүй зорчдог тул бид БНСУ-ын жуулчдад нээлттэй хандаж Булган аймаг Солонгос Улсын тэргүүлэх WANNABE групптэй хамтран хэрэгжүүлэхээр болсон" тухайгаа онцоллоо.