Эх Дэлхийн Цаг (Earth Hour) нь жил бүрийн гуравдугаар сарын сүүлчийн Бямба гаригт зохион байгуулагддаг олон улсын арга хэмжээ юм. Энэхүү арга хэмжээг анх 2007 онд Австралийн Сидней хотод эхлүүлсэн бөгөөд дэлхийн дулаарлын эсрэг олон нийтийн анхаарлыг хандуулах зорилготой.

Уг арга хэмжээ дэлхийн 190 гаруй оронд зохион байгуулагддаг бөгөөд хувь хүн, байгууллага, хотууд нэг цагийн турш гэрлээ унтраан эрчим хүч хэмнэж, уур амьсгалын өөрчлөлтийн эсрэг хувь нэмрээ оруулдаг. Монгол Улс 2010 оноос эхлэн Эх Дэлхийн Цагт нэгдсэн орж Улаанбаатар хотын төв талбайд болон бусад аймаг, сумдад арга хэмжээ зохион байгуулагддаг. Булган аймаг ч мөн эх дэлхийн цагт нэгдэн жил бүр төв талбайн гэрлийг 60 минутын турш унтрааж лаа асаан тэмдэглэж ирсэн.