Байгаль орчныг хамгаалах, байгалийн баялгийг нөхөн сэргээх сангийн 240.0 сая төгрөгийн төсвөөр Могод, Орхон, Хишиг-Өндөр, Хангал сумын Хялганат тосгонд бохир соруулах автомашиныг хүлээлгэн өглөө. Ингэснээр нийт 13 сум бохир соруулах автомашинаар хангагдаж, орон нутгийн нийтийн аж ахуйн үйлчилгээний чадавх бэхжиж, байгаль орчныг хамгаалах бодит ажил хэрэгжиж байна.

Энэхүү ажлын үр дүнд орон нутгийн ариун цэвэр, бохир усны менежмент сайжирч, хөрс, усны бохирдлоос урьдчилан сэргийлэхээс гадна, айл өрх, аж ахуйн нэгжүүдийн бохирын үйлчилгээний хүртээмжийг нэмэгдүүлж, иргэдийн эрүүл, аюулгүй орчинд амьдрах нөхцөлийг бүрдүүлэхэд чухал ач холбогдолтой юм.